اتصدمت النهاردة لما شفت نص قانون منع التظاهر اللي ظهر من ورا الشعب سامعين من ورا الشعب يا حكومة عندي بس كذا تعليق :
1- مفيش حكومة محترمة ولا مجلس عسكري موقر على راسه مشير بسيف ونسر يقبل يطلع قانون منع تظاهر واعتصامات من ورا شعبه وده له تفسيرين اولهم يا الحكومة بتتقي الشعب وتحطه ادام الامر الواقع زي ورقة العرفي او مش ناوية تحترم نفسها وتشارك الشعب في اخد القرار و الفكرتين اخطر من بعض لانهم نابعين من فكر غبي من النظام السابق وده اللي خلاه ينقرض واذا كانوا فاكرين الشعب بياكل من ده يبقا يعزموا نفسهم وياكلوا مع نفسهم لان الشعب بيتقرف من الهزار الماصخ ده.
2- حسني مبارك بيتملكع انه يرجع المستشفى وقال ايه بيترجى مفيش حاجة اسمها سجين مطلوب يترجى معلش اجلوها لحد ما يتحكم وشوفو اللي هوا عاوزه بس مش معقول خبر مبارك بيترجى الجيش!! محنا كلنا مصريين ولا ايه ياجيش ياللي عاوز تبنيها دولة قانون علينا ومش على اونكل حسني مسمعتش الحديث اللي في معناه ان ربنا بيهلك القوم اللي سرق الغني فيه سابوه ولو سرق الفقير اقاموا الحد عليه؟؟ مش ده اللي بيحصل دلوقتي البلطجي بيتحكم عليه في 3 دقايق والحيتان بيبرطعوا في طرة ولا هيلتون؟!؟! يا مجلس طنطاوي وقياداته كفى استخفافا بعقل الشعب!!
3- الوزير العزيز عصام شرف احداث قنا بقالها اسبوع تقريبا نزلوا الجمعه مسلمين ومسيحين بيقولوا لا لقتلة الشهداء لكن بسبب تجاهل المجلس الاعلى والحاكم العسكري وصمتك الازمة تفاقمت وحضرتك تخرج علينا بتصريح يليق باحمد نظيف انك بتفوض الداخلية وان المحافظ باقي يعني انت دلوقتي وقفت ضد ارادة الشعب يا اخ شرف !! حكررها محدش بيلوي دراعنا ولا بيجبرنا وبقولك كذا محافظة حتنزل يا عصام ضد محافظها ومش حنهدى الا لما ننتخب محافظينا وقول كده لطنطاوي وياريت تفهمو بقا بلاش وجع قلب.
4- انذار اخير للمجلس "دولة مدنية" هاااا دولة "مدنية" عارفين يعني ايه مدنية يعني لا لواءات شرطة ولا جيش يا عزيزي المشير الطنطاوي "زي ما قالت واحدة في مصطفى محمود" عاوزين دولة مدنية كلها مدنين ماعدا بتاع الدفاع ويمكن ده نجيبه مدني والمحافظين بالانتخاب وهو ده نظام البلد مفيش حاجة اسمها تعين ده زمن وجبر ياعزيزي.
اخيرا اسكندرية والقليوبية وقنا وغيرهم نازلين ضد المحافظين لان دولة مدنية مش معناها محافظين لواءات شرطة وجيش وامن دولة وحزب وطني ده اسمها حركة تنقلات محافظين لشعب لامؤاخذة بياكل "داتورة" واحنا متشكرين خدوهم واحنا مش عاوزين محافظين خالص ولا عاوزينا ننزل مليونية تانية؟؟!
ومتنسوش الظباط اللي نزلوا التحرير دول مش حنسيبهم دول نزلوا ايدوا الثورة اللي المجلس انحاز ليها "والله اعلم بما في داخل المجلس" وهما انحازوا قبضتوا عليهم ليه وسبحان الله كلهم بقيوا شواذ وبتوع ليالي حمرة....يالي في بالي المهم دول مننا ومش حنسيبهم زيهم زي المعتقلين على ايدكم وايد حسني وشغل تهدونا وبعدين تفقعونا قفا مش حلو للمجلس خالص والا حيتخلع قريب والصيف والاجازة جية والمصريين جيين مصر والبلد حتكتر والمظاهرات حتملى البلد انصحكم بتغير استراتيجيتكم .
1- مفيش حكومة محترمة ولا مجلس عسكري موقر على راسه مشير بسيف ونسر يقبل يطلع قانون منع تظاهر واعتصامات من ورا شعبه وده له تفسيرين اولهم يا الحكومة بتتقي الشعب وتحطه ادام الامر الواقع زي ورقة العرفي او مش ناوية تحترم نفسها وتشارك الشعب في اخد القرار و الفكرتين اخطر من بعض لانهم نابعين من فكر غبي من النظام السابق وده اللي خلاه ينقرض واذا كانوا فاكرين الشعب بياكل من ده يبقا يعزموا نفسهم وياكلوا مع نفسهم لان الشعب بيتقرف من الهزار الماصخ ده.
2- حسني مبارك بيتملكع انه يرجع المستشفى وقال ايه بيترجى مفيش حاجة اسمها سجين مطلوب يترجى معلش اجلوها لحد ما يتحكم وشوفو اللي هوا عاوزه بس مش معقول خبر مبارك بيترجى الجيش!! محنا كلنا مصريين ولا ايه ياجيش ياللي عاوز تبنيها دولة قانون علينا ومش على اونكل حسني مسمعتش الحديث اللي في معناه ان ربنا بيهلك القوم اللي سرق الغني فيه سابوه ولو سرق الفقير اقاموا الحد عليه؟؟ مش ده اللي بيحصل دلوقتي البلطجي بيتحكم عليه في 3 دقايق والحيتان بيبرطعوا في طرة ولا هيلتون؟!؟! يا مجلس طنطاوي وقياداته كفى استخفافا بعقل الشعب!!
3- الوزير العزيز عصام شرف احداث قنا بقالها اسبوع تقريبا نزلوا الجمعه مسلمين ومسيحين بيقولوا لا لقتلة الشهداء لكن بسبب تجاهل المجلس الاعلى والحاكم العسكري وصمتك الازمة تفاقمت وحضرتك تخرج علينا بتصريح يليق باحمد نظيف انك بتفوض الداخلية وان المحافظ باقي يعني انت دلوقتي وقفت ضد ارادة الشعب يا اخ شرف !! حكررها محدش بيلوي دراعنا ولا بيجبرنا وبقولك كذا محافظة حتنزل يا عصام ضد محافظها ومش حنهدى الا لما ننتخب محافظينا وقول كده لطنطاوي وياريت تفهمو بقا بلاش وجع قلب.
4- انذار اخير للمجلس "دولة مدنية" هاااا دولة "مدنية" عارفين يعني ايه مدنية يعني لا لواءات شرطة ولا جيش يا عزيزي المشير الطنطاوي "زي ما قالت واحدة في مصطفى محمود" عاوزين دولة مدنية كلها مدنين ماعدا بتاع الدفاع ويمكن ده نجيبه مدني والمحافظين بالانتخاب وهو ده نظام البلد مفيش حاجة اسمها تعين ده زمن وجبر ياعزيزي.
اخيرا اسكندرية والقليوبية وقنا وغيرهم نازلين ضد المحافظين لان دولة مدنية مش معناها محافظين لواءات شرطة وجيش وامن دولة وحزب وطني ده اسمها حركة تنقلات محافظين لشعب لامؤاخذة بياكل "داتورة" واحنا متشكرين خدوهم واحنا مش عاوزين محافظين خالص ولا عاوزينا ننزل مليونية تانية؟؟!
ومتنسوش الظباط اللي نزلوا التحرير دول مش حنسيبهم دول نزلوا ايدوا الثورة اللي المجلس انحاز ليها "والله اعلم بما في داخل المجلس" وهما انحازوا قبضتوا عليهم ليه وسبحان الله كلهم بقيوا شواذ وبتوع ليالي حمرة....يالي في بالي المهم دول مننا ومش حنسيبهم زيهم زي المعتقلين على ايدكم وايد حسني وشغل تهدونا وبعدين تفقعونا قفا مش حلو للمجلس خالص والا حيتخلع قريب والصيف والاجازة جية والمصريين جيين مصر والبلد حتكتر والمظاهرات حتملى البلد انصحكم بتغير استراتيجيتكم .
