Evronia's World!: الجمعة 22 يوليو: موقعة سيدي جابر

Evronia's World!: الجمعة 22 يوليو: موقعة سيدي جابر: "أولا: الي المجلس العسكري... الشعب خط احمر انا مش قادرة احكي.. انا تعبانة ومنهكة جسديا ونفسيا...وحكيت حاجات كتير على تويتر عندي.. بس ناس كت..."

ام المجالس !!!

المجلس العسكري ايوة ام المجالس كلها يعني ام مجلس الوزراء وام المجالس المحلية وام مجلس القضاء والمجلس الاعلى للشرطة والمجلس الاعلى للصحافة والمجلس الاعلى للمرأة والمجلس الاعلى للاثار والمجلس الاعلى  للثقافة وام مصر كلها كمان

اه طبعا .... المجلس من يوم ما مسك وانجازاته تضاهي في نصاعها وبياضها وعظمها ما قدمته هذه المجالس اللي بقالها فوق ال7 سنين وفيها اللي قفل 10 سنين كمان يعني مثلا لو قررنا نعد الجمايل ونشوف المجلس وانجازاته اكيد اكيد حنقدر نقف عند حدنا ونعرف ان تكملة الثورة  قلة ادب وسفالة امال ايه المجلس من يوم ما مسك وهو حلف يمين انه مع الثورة وبيحمي الثوار وثورتهم السلمية ان حد يفهمني ازاي سلمية بعد ما استشهد 1000 واحد واتجرح 15الف واحد ..... ما علينا غلطة كده زي غلطة ممدوح شاهين وهو بيقول احمدو ربنا ان جيشكم مش زي جيش ليبيا وكان شاهين كان ادامه خيار الضرب ومعنى كلامه ده ان الجيش لم يختار خيار او طماطم الضرب اكان ده قبل التنحي او بعده 

مثلا ده كده قبل التنحي  يوم 28

وده نتيجة الضرب يوم 28 :)

وده

وده

وده

 وده

وده

وده

ودبابة محروقة بمولتوف

---------------------------------------------

وده بعد التنحي  بس المرة ده زي ما قال اسناعيل عتمان "القوات المسلحة مش مسلحة" وقال في نفس السياق "وقواتكم لم ولن تستخدم القوة ضد هذا لشعب العظيم" نشوف بس كده يمكن اللي اضربو كانو متحرضين من عم ايلان جاسوس الفيسبوك

وكان ده نتيجة يوم 9 ابريل بعد ما الجيش ضرب النار 

وده

وده

وده

-----------------------------------------

 ما علينا مش عاوز اطول وازيد المهم  ده كان اول الانجازات الا وهو حماية الثوار نيجي لحماية الثورة طبعا انا مش حقول عن كشوفات العذرية او اعتقالات النشطاء والمدونين وقمع الصحافة والحرية ومنع الاعتصامات والمظاهرات  ومحاكمات العسكرية لاي حد بيتظاهر عشان 200 جنيه وحماية افراد الشرطة وجبروتهم ومحاولة اعادة اليد الطولى للشرطة وقلة ادبهم وتشويه الثورة وووو

مش عاوز انسى اللي كنت بقوله والاهم ده اللي عمله الجيش للثورة والثوار نيجي بقا لوعد الجيش بتنفيذ مطالب الشعب وشرعيته التي ارتضى لها المجلس نيجي نشوف انجازات المجلس العظيمة

 لاول مرة محاكمة قتلة مترقيين ويتم عمل تعظيم سلام لهم

تطهير مؤسسات الدولة بوضع اشخاص من نفس النظام ولكن بشهرة اقل

تجزئة المطالب وتفتيتها والالتفاف عليها

تعيين محافظين -اذا جت على التعيين في المرحلة ده ماشي- وسبحان الله 13 لواء جيش و3 امن دولة و2 حزب وطني

حد ادنى للاجور على شريحة من القطاع العام -مش كله ومش القطاع الخاص كمان- وهو 700 جنيه وبقى 684 جنيه

الاول مرة قانون يصدر عشان  يختص في فساد الجيش و "قواديه" اسف قياداته حتى بعد خدمتهم

استفتاء يتم فيه خيانة ارادة الشعب 

اعلام يتم فيه ترقيه من يستطيع وضع كلمة "بلطجية" مع كلمة "ثورة" في جملة مفيدة لتشويه الثورة

ايحاء للشعب "المفخد" في بيتهم ان الميدان حيدمر الاقتصاد وان مصر لازم تداين بسبب الميدان 

ايحاء ان الشرطة جريحة ومش قادرة تضرب وتخش شوارعنا عشان بلطجية الثورة

وغيرها كتيررررر

طيب دلوقتي اذا لم يكن المجلس بينفذ اوامر الثورة يبقى هو عدو الثورة - زي ما قالو اذا لم يكن امير للمؤمنين فهو امير المشركين - اقول للمجلس صباح الفل وانا  شايف شخصيا الحسنة الوحيدة لحسني انه طلع المستخبي وحطه في وش الشعب...كتر خيره

عامة في النهاية اقدر اقول للمجلس .... دولة الظلم ساعة يا مجلس قلل انما انتو مش حتكملو 12 دقيقة 

يوم 8 يوليو اعتصام مفتوح....لان كفاية عليكو

ائتلاف مخبري الثورة

يوم 1\7 الناس نزلت  وقالت يامسهل شوية تضامن على اعتصام لحد يوم 8\7 امت حبايبنا الاخوان فكرو ان الثورة لسة ركوبة وان بما ان الاخوان الفصيل المنظم من 80 سنة وبتاع امت قررو يقودو المظاهرة في اسكندرية وطبعا كعادتهم شغلو الاغاني الوطنية وسط هتافات ضد المجلس والمشير والحكومة والوضع كان بيغلي وبما انهم فصيل "بطيخي" لا لهم في سياسة ولا حاجة لبسو في الحيط ....اه لبسو حتة لبسة عنب....والدليل آلو لووووو

-----------------------------

بغض النظر عن ده فاليوم ده ظهر زبون جديد من زباين المجلس اشهرهم " ائتلاف مخبري الثورة" المشهر باسم "ائتلاف شباب الثورة" معاه حزب العدل وغيره من يايدو موقف القوات المسلحة بغض النظر عن هية قوات "مش مسلحة " زي ما عتمان ال او بغض النظر عن ادائها ايه وبتعمل ايه زي ما عملت كشوفات عذرية ومحاكمات عسكرية والقبض على النشطاء وطبعا وهل يخفى القمر؟؟

وتم تمزيقها بعون الله

وده اللي حصلها

----------------------------

ونترك للثورة الفرز والتقييم

فليسقط حكم العسكر

الشرطة العسكرية تعتقل طالبين وتحيلهم للمحاكمة العسكرية

نقلا عن المحامي والحقوقي احمد ممدوح : تم اعتقال طالبين من الثانوية العامة على يد الشرطة العسكرية بالاسكندرية نتيجة 
اعتراضهم على تاخر ورق الامتحان وتمت احالتهم الى القضاء العسكري وقد تم الحصول على اسم طالب وهو امجد المصري


وجاري جلب التفاصيل

قالك ده شهيد...ده بلطجي ياثورة

ده بلطجي.....مش ثورجي

اللي في الصورة ده قتله ظابط شرطة اثناء الخدمة لانه حاول التعدي على الشرطي بسلاح ابيض امت الظابط قاله اقف مكانك الناس اتلمت وقالو انت يابلطجي ازاي تيجي تتهجم على ظابط امت الناس اتهجمت على البلطجي وحاولت توقع السكنية وفجاءة البلطجي حاول يجرح الناس وما كان من الظابط ابو مسدس غير انه يرديه قتيلا .... والناس صقفت للظابط وحيوه واخد وسام الشجاعة. صح

لا مش صح ده نموذج من الاعلام الموجه اللي عايشينه ايام الثورة وبعد ما الشرطة اتضربت وده يبين مدى تردي وضع ووساخة الاعلام - داخلية - الوزراء - مجلس عسكري اللي في اعتقادهم هيكلة جهاز هي وضع خطة لنفاق الشعب على اساس انهم اوصياء علينا او على اساس يفهمونا ان الشرطة اتاذت لما اتهجمنا عليها واتكسرت هيبتها واحنا السبب؟!؟!!!؟!!؟

ده اللي حصل لصاحب الصورة ده

-----------------------------------

انما البت البلطجية ده فهي كانت ماشية جنب القسم عشان تقتحمه

-----------------------------------

انما الواد الصايع ده كان بيجهز فتيل مولتوف عشان يحرق بيه القسم

-----------------------------------

المهم بقا فكرة ثورة الشباب السلمية و حكاية بلطجية حرق الاقسام والحرق المنظم للاقسام ووووو كلها اساطير من محض خيال طنطاوي ومجلس القلل بتوعه ونسى اهم اسطورة واقواهم وهي نزول الشعب كله يوم 28 بدون  ما يبقى في نت او اي وسيلة لحشد عدد زي كده ولو القيادة فيها شوية عقل كانت تعرف ان حرق القسم له تفسير احسن شوية : على مدى 50 سنة والقسم بيساوي للفلاح والعمال والمواطن العاطل والبلطجي والفقير رمز قهر لا يمكن نسيانه وبالتالي من ظلم جهاز الشرطة المتفشي لما الشعب شم نفسه ولع في الاقسام .... صعبة على الفهم ده؟؟؟

وعشان نتاكد ونفكركم ثورتنا كانت سلمية لحد 25-26-27 انما يوم 28 مات 1000 واحد واتصاب 12000الف ولا حرب غزة يبقى منين سلمية؟ ولا هي اي اسطورة لكي تثبت ان الشعب وثورته اللي ليها صوت وقوة وقدرة على هدم الفساد هي محض "بلطجة" يعني من الاخر المجلس بيقولوكم : يبني انت وهو عاوزين تنزلو انزلو وانتو ساكتين ولما الشرطة تضرب اكانت المدنية او العسكرية اعدو قولو سلمية سلمية ومحدش له حق الدفاع عن النفس الا اللي لابس ميري فهمتو؟؟؟

حنقولها تاني للمجلس اتقي شر الشعب لانه على اخره واحمد ربنا الثورة الاولى خلصت على خير وحكمنا العقل والنخبة واتركبت بحمد الله من طوب الارض كله ومش بعيد يبقى اسمها "انقلاب 25 يناير" لان برضك احنا مش قلل لسة الحمدلله اللي بيفهمو مماتوش ربنا قرر يسيب شوية يمكن يعرفو يعملو حاجة ويفهمو حقيقة المجلس للناس 

حقيقة المجلس لما نزل وامر الجيش بالنزول الجيش ضرب والناس وقفت وحرقوله مدرعات وبعد كده الجيش سلم الراية مؤقتا وكررها يوم 9 ابريل وكانت بداية معركة الثورة مع المجلس والدليل على كلامي الفيديو ده اللي محدش طلعه لحد دلوقتي والمجلس عامل نفسه عبيط في الزفة

-----------------------------------

  

الشعب مش اهبل واحنا مش عبط والمجلس واضح انه مش فاهم الموضوع ماشي ازاي مع شعب متعشم في مجلس مبارك خيرا هو الفكرة ان الشعب صابر والناس اعتصمت عشان حقها مش عشان حاجة تانية امت المجلس ضربها ببساطة عاوز الناس تعد كام اعتصام حصل من يوم ما مسك الجيش والنهاردة بقيو كام اعتصام "بقيو لا حصر لهم" والبركة في المجلس... الصراحة يا مجلس منظرك وحش واتمنى تكون قريت التدوينة ده شخصيا يمكن تفهم وتتنحى قبل ما الشعب يزورك ويجيبك بايده وابقى خلي ممدوح شاهين باسلوب كلامه اللي عامل زي ميسرة ينفعك او قصة عتمان او حتى جبهة التهييس الشعبية 

ده ثورة عشان الحق والمظلوم.....وحتفضل مكملة لحد ما الشعب ياخد حقه