1-على كل فرد من الشرطة النزول واللي مش حينزل خمس سنين سجن
2-اللي يتعرض للشرطة سجن 10 سنين
3-اللي يتطاول من افراد الشرطة 10 سنين سجن
بسيطة وسهلة ومش صعبة ولو مش نافعة الفكرة ده ببساطة الجيش يستدعي لواء احتياطي وعدد افراد اللواء 15الف فرد وده يغرق القاهرة لوحدها خاصة لو تعاون مع الشرطة وده برضه محصلش وده بيخليني اعيد تفكيري في فكرة ان المجلس العسكري بقياداته بيعيشوا الشعب نوع من الخوف او التخير الفعلي بين الفوضى والاستكرار !! ايوة زي ما قال بابا حسني قبل معركة الجمل ولا حد عنده تفسير تاني للي بيحصل لو العيب مش من عندهم ولا من عندنا يبقى من عند مين؟؟!!
حخرج من النقطة ده واخش على تصرفات الشرطة العسكرية مع الثوار متهيالي كلنا شفنا فيديو : البيان الثالث للمجلس الأعلى للقوات المسلحة .
وقالنا المجلس العسكري انه حيحترم الثوار والمتظاهرين وحيضمن حق التظاهر والاعتصام وممارسة الحريات واتصدمنا بقانون منع التظاهر وفيدوهات اهانة الثوار والقبض عليهم في كل مصر وآدي عينة عشان بس اللي بيقول عمل فردي :
انا مش بتكلم من كرهي في المجلس العسكري ولا الموضوع شخصي بيني وبينه لكن الموضوع هو موضوع "الحرية" لو الجيش عاوزنا ننتقل للحرية ازاي بيقمعنا وليه بيعمل فينا كده وسايب حسني واعوانه وكل اللي معاه وماسكنا مطلع عينا انا متكلمتش على الجيش ولا اقدر اتكلم عليه انا بتكلم على المجلس الاعلى اللي اوشك رصيده على النفاذ وكلامي ده مش لوحدي في ناس تانية ابتدت تحس بالتباطا الشديد والمخزي من قيادات المجلس وقبل ما تقع الفاس في الراس والناس تنزل تقول "ارحل" اتمنى ان المجلس يكون فهم اللي حصل في حسني لما تعنت وتباطا والشعب قام ومش حينام بكل بساطة وكل واحد حيجي عليه الدور وانا شخصيا مش متفائل من بعد اللواء الاخ العقيد الجديد وياخوفي بيهددنا بسيناريو زي سيناريو الجيش الليبي عشان مش عاجبنا الاعلان الدستوري بيهددنا برتبته اللي عطهالو الشعب وفلوسه اللي من ضرايبنا وجي يهددنا وده شئ غير مقبول من ممدوح شاهين ولو على التخويف كان غيره اشطر ببساطة واللي عاوز يعرف هو قال ايه : شوفوا الدقيقة (1:02:00) و (1:06:50).
شكرا لبشمهندس ممدوح شاهين وكتر خيرك وفي آخر كلامي شوفوا الناس اللي نزلت وراهنت على مستقبلها عشان البلد تتقدم واتفضلوا احكموا عشان انا لما اقول بفرق بين القيادات بتاعت المجلس والظباط الشرفاء وانا بقول تاني الشعب لا يهدد يا ممدوح ولو الشعب عقد عزمه على مسحك انت ومجلسك يستطيع وانا بحذر رصيدكم اوشك على النفاذ .
طبعا كلكم عارفين الرائد شومان :
و دول من شرفاء الظباط اللي حيشاركوا في ايفينت الجمعه وده لينك الايفينت : جمعة التطهير وده الرائد حاتم عبادي :
و ده النقيب السابق شريف عثمان :
كل التحية و التقدير لهؤلاء الظباط وشكرا لهم على مساندتهم لنا يوم الجمعه 8 ابريل .
في حاجة اخيرة نسيتها شوفوا ده : على طريقة أمن الدولة : الأمن الوطني يطلب كشوف المرشحين باتحاد طلاب جامعه الإسكندرية.
الثورة مستمرة.......الى ان نحقق مطالبنا.
No comments:
Post a Comment