تعقيبات على الاعلان الدستوري!!

 (مــــــــــادة 31 )

يعين رئيس الجمهورية ، خلال ستين يوماً على الأكثر من مباشرته مهام منصبه ، نائباً لـه
أو أكثر ويحدد اختصاصاته ، فإذا اقتضت الحال إعفاءه من منصبه وجب أن يعين غيره .

وتسرى الشروط الواجب توافرها فى رئيس الجمهورية والقواعد المنظمة لمساءلته على نواب رئيس الجمهورية .

في تعقيبي على المادة ده ان المفروض الرئيس يكون موضح نائب ليه في برنامجه وان يبقى في شورط معينة لنائب الرئيس بكل بساطة ممكن يكون وزير دفاع يبقى كده مصر متغيرتش او مثلا ممكن يحطه ابن عمه او قريبه او شريكه في الشركة او اي صلة وممكن يبقى امي او معاه اعدادية فين الشروط والظوابط!!!

-----------------------------------------------------

 ( مـــــادة 32 )

يُشكل مجلس الشعب من عدد من الأعضاء يحدده القانون على ألا يقل عن ثلاثمائة وخمسين عضوا، نصفهم على الأقل من العمال والفلاحين ، ويكون إنتخابهم عن طريق الانتخاب المباشر السرى العام .

ويبين القانون تعريف العامل والفلاح، ويحدد الدوائر الانتخابية التى تقسم إليها الدولة .

ويجوز لرئيس الجمهورية أن يعين فى مجلس الشعب عدداً من الأعضاء لا يزيد على عشرة .

طيب دلوقتي ليه التمسك الفظيع بالمادة الغريبة ده انا اعرف لواءات جيش وظباط شرطة ورجال اعمال مستعدين يلتفوا بالمادة ده على الشعب بحجة انهم عندهم فدادين بكل بساطة وبكده يبقوا دخلوا على اساس انهم فلاحين يعني المادة كويسة بس ليست بها ظوابط كافية لمنع استغلال ثغراتها للاسف "شبه قوانين احمد عز"!!.

-----------------------------------------------------

 ( مـــــادة 33 )

يتولى مجلس الشعب فور انتخابه سلطة التشريع , ويقرر السياسة العامة للدولة , والخطة العامة للتنمية الاقتصادية والاجتماعية , والموازنة العامة للدولة , كما يمارس الرقابة على أعمال السلطة التنفيذية .

المادة الغريبة ده بتهمش دور مجلس الشعب بطريقة فادحة احنا بكل بساطة بنادي بان البرلمان يمنع الرئيس او يمنع اي حاجة بتضر بالشعب وببساطة اتشالت منه جزئية انه يقر القوانين والتشريعات طيب يبقى ايه فايدته؟!!.

-----------------------------------------------------

 ( مـــــادة 34 )

مدة مجلس الشعب خمس سنوات ميلادية من تاريخ أول اجتماع له .

5 سنين ايه بس ونيلة ايه يعني احنا قننا الرئيس وزدنا المجلس طيب ما يبقى 4 سنين ايه الغرض من ده ؟؟ّ!!.

-----------------------------------------------------

 (مـــــادة 36 )

مدة عضوية مجلس الشورى ست سنوات .

ما هي فائدة المجلس الموقر مجلس الشورى اذا اتفقنا في المجلس بتاع الشعب بيعمل شورى وتشريع للقوانين ايه فايدة المجلس ده؟!.

-----------------------------------------------------

 (مـــــادة 40 )

تختص محكمة النقض بالفصل فى صحة عضوية أعضاء مجلسى الشعب والشورى .

وتقدم الطعون إلى المحكمة خلال مدة لا تجاوز ثلاثين يوماً من تاريخ إعلان نتيجة الانتخاب ، وتفصل المحكمة فى الطعن خلال تسعين يوماً من تاريخ وروده إليها .

وتعتبر العضوية باطلة من تاريخ إبلاغ المجلسين بقرار المحكمـة.

و

( مــــادة 44 )

لا يجوز إسقاط عضوية أحد أعضاء مجلسى الشعب والشورى إلا إذا فقد الثقة والاعتبار , أو فقد أحد شروط العضوية أو صفة العامل أو الفلاح التي انتخب علي أساسها , أو أخل بواجبات
عضويته . ويجب أن يصدر قرار إسقاط العضوية من المجلس بأغلبية ثلثى أعضائه .
 

حد فاهم حاجة ؟!

اذا كانت محكمة النقض هي اللي حتفصل في صحة العضوية طيب ازاي رجعت المادة بتاعت المجلس "سيد قراره" يعني ايه فايدة ان مجلس الشعب محتاج تلتينه عشان يقرر بفصل احد اعضاءه ؟؟!! مهو في قرار محكمة؟؟ طيب مين اللي ليه الكلمة الفصل مش ده تضارب؟؟!!.

-----------------------------------------------------

( مـــــادة 54 )

ينشأ مجلس يسمى " مجلس الدفاع الوطنى " ويتولى رئيس الجمهورية رئاسته، ويختص بالنظر فى الشئون الخاصة بوسائل تأمين البلاد وسلامتها، ويبين القانون إختصاصاته الأخرى .

مش ده التفاف على فكرة ان المنظومة الامنية تبقى تحت رقابة القضاء ومجلس الشعب؟؟! يعني احنا دلوقتي بنقول الرئيس يتجرد من صلاحياته الالهية والجيش بياكدها طيب سؤال اذا كان الرئيس اللي جي حيجي على دستور جديد ايه فايدة المادة ده؟؟!!نحطها في الدستور الجديد؟؟!مهو اصلا هي مبتتنفذش ازاي تبقى موجودة؟؟!!

-----------------------------------------------------

( مـــــادة 56 )

يتولى المجلس الأعلى للقوات المسلحة إدارة شئون البلاد، ولـه فى سبيل ذلك مباشرة السلطات الآتية :
1ـ    التشريع .
2ـ    إقرار السياسة العامة للدولة والموازنة العامة ومراقبة تنفيذها .
3ـ    تعيين الأعضاء المعينين فى مجلس الشعب .
4ـ    دعوة مجلسى الشعب والشورى لانعقاد دورته العادية وفضها والدعوة لإجتماع غير عادى وفضه .
5ـ    حق إصدار القوانين أو الاعتراض عليها .
6ـ    تمثيل الدولة فى الداخل والخارج، وإبرام المعاهدات والاتفاقيات الدولية ، وتعتبر جزءاً من النظام القانونى فى الدولة .
7ـ    تعيين رئيس مجلس الوزراء ونوابه والوزراء ونوابهم  وإعفاؤهم من مناصبهم .
8ـ    تعيين الموظفين المدنيين والعسكريين والممثلين السياسيين وعزلهم على الوجه المبين فى القانون، واعتماد ممثلى الدول الأجنبية السياسيين .
9ـ    العفو عن العقوبة أو تخفيفها أما العفو الشامل فلا يكون إلا بقانون .
10ـ    السلطات والاختصاصات الأخرى المقررة لرئيس الجمهورية بمقتضى القوانين واللوائح .

وللمجلس أن يفوض رئيسه أو أحد أعضائه فى أى من اختصاصاته .

اصرار فظيع على الصلاحيات الالهية ؟؟! ليه؟؟! يعني احنا اخدناها نسخ لصق من دستور 71 ايه الفايدة طيب مهو لو جه رئيس حيطلع عين ابونا بالاعلان ده ده اوسخ من دستور 71 للاسف ايه الغرض من الصلاحيات "الفاجرة"ده؟؟!

-----------------------------------------------------

الخلاصة:

1- من الاخر ده الاعلان الدستوري ده رائع وجميل في مضمونه وكويس جدا لكن في حاجة غريبة الصلاحيات الالهية مازالت موجودة واختصاصات لن تقتصر على المجلس بل سوف "تورث" للرئيس القادم.

2- المجلس بتاع الدفاع المهلبي ده ايه فايدته مش عندنا منظومات امنية ولا ايه ؟؟!! طيب ومحدش طلع قالنا ازاي حيتنظم عمله وتابع لمين وحياخد اذن قضائي ولا ايه اختصاصاته داخلية ولا خارجية بجد "نقطة سودة ضخمة في الاعلان وغير مفهوم الغرض منها".

3- تضارب فظيع وفاضح في صلاحية "الفصل في عضوية مجلس الشعب" بين القضاء والمجلس اللي حيبقى "سيد قراره".

4- وايه  برضك لازمة مجلس الشورى العجيب ولا هو بعترة فلوس وخلاص؟؟!.

5- تهميش دور مجلس الشعب ومد فترته ليه؟؟!.

6- نسبة الفلاحين والعمال المتمسكين بيها على الرغم من انها بها ثغرة تعدي فيل منها؟!.

7- عدم وجود ظابط او رابط او اي خصائص لنائب الرئيس وده شئ خطير جدا وممكن مدام هو غير مربوط ان يؤدي لجدل او فوضى في الشارع العام بسبب ان المفروض ده شان الشارع اختيار النائب وليس الرئيس ولا ايه؟؟!.

8- اصرار على انتخابات برلمانية قبل رئاسية ؟؟!.

في النهاية يا حبايبي واضحة وبتلعلط زي الشمس وبتكبر الجيش يريد البقاء في الكرسي لاطول فترة ومش ده بيت القصيد بيت القصيد هو "ليه عاوز يعد؟" حد يجاوبني على السؤال ده ونبي؟!!!.

-----------------------------------------------------

وده رابط للاعلان الدستوري!!!